Kremlin sözçüsü Dmitri Peskov ABŞ və Ukrayna ilə danışıqlarda iştirak edən Rusiya nümayəndə heyətinin hərbi rəsmilərdən ibarət olacağını bildirib və əlavə edib ki, "Ukrayna silahlı qüvvələri Donbas bölgəsini tərk etməlidir; bu, Rusiya üçün vacib şərtdir".
Turkustan.az xəbər verir ki, Peskov paytaxt Moskvada jurnalistlərin bir neçə cari məsələ ilə bağlı suallarını cavablandırıb.
Rusiyanın ABŞ-dakı təxminən 5 milyard dollar dəyərində aktivlərinin dondurulduğunu qeyd edən Peskov bu aktivlərin Fələstinlə yanaşı Donbas kimi bölgələr üçün də istifadə edilə biləcəyini söylədi.
Peskov bu gün və sabah Birləşmiş Ərəb Əmirliklərinin (BƏƏ) paytaxtı Əbu-Dabidə ABŞ və Ukrayna nümayəndə heyətləri ilə görüşlərdə iştirak edəcək Rusiya nümayəndə heyəti haqqında danışarkən deyib: “Bunlar Müdafiə Nazirliyinin nümayəndələri olan hərbçilərdir. Hələlik adlarını açıqlamayacağıq. Hamısı hərbçilərdir. Bu, təhlükəsizlik məsələləri üzərində işləyən işçi qrupdur; bunlar ilk görüşlər olacaq”.
Danışıqlarda müzakirə ediləcək vacib mövzuların olduğuna diqqət çəkən Peskov, "Ukrayna silahlı qüvvələri Donbas bölgəsini tərk etməlidir; bu, Rusiya üçün vacib şərtdir" dedi.
Aytən Yaşar/ Turkustan.az
