RU
Темы
Культура
20.01.2026 ◦ 08:07

Luvr yeniden fəaliyyətini DAYANDIRDI

Ajans.az xəbər verir ki, bu barədə “Le Figaro” nəşri məlumat yayıb. Bildirilir ki, muzeyin qapıları 19 yanvar tarixində əməkdaşların tətili səbəbindən bağlanıb. İşçilər əmək şəraitinin yaxşılaşdırılmasını tələb edirlər. Qeyd olunur ki, bu, Luvrun etiraz aksiyaları ucbatından bağlandığı ilk hal deyil. Xatırladaq ki, 12 yanvar tarixində də muzey tətil səbəbindən fəaliyyət göstərməyib. Dekabr ayında Luvr bir gün ərzində tamamilə bağlı olub, daha sonra isə bir neçə gün qismən açıq qalıb. Luvrda baş vermiş oğurluq hadisəsindən təxminən üç ay sonra muzeyin personalı işçi sayının artırılmasını və keçmiş kral sarayının saxlanma şəraitinin yaxşılaşdırılmasını tələb edib.

Dekabr ayında keçirilən tətilə muzeyin təxminən 350 əməkdaşı qatılıb. Onlar arasında idarəçilər, mədəni irsin qorunması üzrə mütəxəssislər və köməkçi xidmət işçiləri də olub.

Избранный
157
3
Ajans.az

5Источники