ABŞ Venesuela neftinin satışına başladığını elan etdi

Amerika Birləşmiş Ştatları (ABŞ) Venesuela neftini artıq qlobal bazarda satmağa başlayıb.

Publika.az xəbər verir ki, bu barədə ABŞ Energetika Nazirliyinin açıqlamasında bildirilib.

"ABŞ hökuməti ABŞ, Venesuela və müttəfiqlərimizin maraqları naminə Venesuela neftini qlobal bazarda satmağa başlayıb.

Neft və neft məhsullarının bu satışlarını asanlaşdırmaq və maliyyə dəstəyi göstərmək üçün aparıcı qlobal əmtəə təchizatçıları və əsas bankları cəlb etmişik", - deyə bəyanatda bildirilib.