Kifayət qədər su içmək arıqlama prosesini sürətləndirir və yağların parçalanmasına kömək edir. Bu barədə endokrinoloq Yuliya Atamanova açıqlama verib.
Həkimin sözlərinə görə, susuzluq zamanı yağların parçalanması prosesi zəifləyir, halbuki gündə təxminən 2 litr su içmək maddələr mübadiləsini sürətləndirərək əlavə 100 kkal enerjinin sərf olunmasına səbəb ola bilər. Bundan başqa, yeməkdən əvvəl su içən insanlar orta hesabla 22% daha az qida qəbul edirlər.
Atamanova bildirib ki, bəzən insanlar aclıqla susuzluğu səhv salır və mütəmadi su içmək bunun qarşısını alır. O, həmçinin şirin içkilər əvəzinə su içməyin gündəlik kalori qəbulunu xeyli azaltdığını vurğulayıb.
Həkim kifayət qədər su içilib-içilmədiyini sidiyin rənginə görə müəyyən etməyi tövsiyə edib: açıq sarı və şəffaf rəng normadır. Su içməyi unutmamaq üçün isə daim yanınızda su butulkası gəzdirmək məsləhət görülür.
