İranın ali dini rəhbəri Ayətullah Əli Xamenei dekabrın sonlarında başlayan kütləvi etirazlara ilk dəfə münasibət bildirib.
NOCOMMENT.az xəbər verir ki o, iğtişaşlarda iştirak edənlərin “yerinə oturdulmalı olduğunu” bəyan edib. Xameneinin sözlərinə görə, ölkədə mövcud olan iqtisadi çətinliklər başadüşüləndir, lakin bu problemlər xarici qüvvələrin maraqları naminə siyasi etirazların qızışdırılması üçün istifadə edilməməlidir.
Ali rəhbər eyni zamanda ABŞ və İsraili İranın daxili işlərinə müdaxilə etməkdə ittiham edib.
Qeyd edək ki, İranda etiraz aksiyaları rialın kəskin dəyərdən düşməsi və iqtisadi vəziyyətin pisləşməsi fonunda başlayıb.
