“Arsenal” Belçikanın “Brügge” klubunun yarımmüdafiəçisi Aleksandar Stankoviçi transfer etmək üçün mübarizəyə qoşulub.
90deqiqe.Az-ın "Caught Offside"yə istinadən məlumatına görə, “topçular” gənc yarımmüdafiəçinin oyun tərzini və liderlik keyfiyyətlərini yüksək qiymətləndirirlər.
Lakin problem ondadır ki, “İnter” 2026-cı ilin yayında Stankoviçi geri almaq üçün 23 milyon avro opsiyasına malikdir (2027-ci ildə məbləğ 25 milyon avroya yüksələcək) və Milan klubu bu klausulu aktivləşdirməyi planlaşdırır.
20 yaşlı futbolçu, tanınmış futbolçu və hazırda baş məşqçi olan Deyan Stankoviçin oğludur.
Qeyd edək ki, “Tottenhem” də serbiyalı futbolçunun transferinə maraqlıdır. Aleksandar Stankoviç bu il yayda “İnter”dən “Brügge”yə 9 milyon avroya transfer olunub. O, Belçika klubunda 29 oyuna çıxıb, 2 qol vurub və 2 məhsuldar ötürmə edib.
