Zelenskinin Haaqada tərcüməçiləri Rusiya və Ukraynanı iki dəfə qarışdırıblar
Ukrayna Prezidenti Vladimir Zelenskinin Haaqaya səfəri zamanı ingilis və holland dillərindən tərcüməçilər Rusiya və Ukraynanı iki dəfə qarışdırıblar. RİA Novosti bu barədə məlumat verir.
"Rusiyanın bütün itkiləri Rusiyaya kompensasiya etməsi lazımdır", - deyə tərcüməçi Niderland Baş naziri Dik Şofun Ukraynaya dəyən zərərlərin kompensasiyası üzrə beynəlxalq komissiyanın iclasında çıxışı zamanı bildirib.
Bundan sonra çıxış zamanı digər tərcüməçi Avropa və Niderlandın "Ukraynaya təzyiq göstərməyə davam etməli" olduğunu bildirib.
16 dekabrda Niderland Parlamentində çıxışı zamanı Zelenski bildirib ki, Ukrayna böhranının həlli ilə bağlı hazırkı danışıqlar münaqişənin başlanğıcından bəri "ən intensiv və hədəflənmiş" danışıqlardır. Onun sözlərinə görə, bu halda söhbət "fasilə və ya müvəqqəti qeyri-müəyyən qərardan getmir".
Həmçinin, çıxışı zamanı Zelenski bir daha dondurulmuş Rusiya aktivlərinin müsadirə edilməsi ilə bağlı qərar qəbul etməyə çağırıb.
