Norveç qadın həndbol millisi 2025-ci il dünya çempionatının qalibi olub.
90deqiqe.Az-ın məlumatına görə, sözügedən komanda finalda Almaniyanı 23:20 (11:11) hesabı ilə məğlub edərək qızıl medalı qazanıb.
Üçüncü yer uğrunda matçda Fransa və Niderland komandaları üz-üzə gəlib. Overtime-dan sonra Fransız yığması 33:31 hesabı ilə qalib olub.
Qeyd edək ki, turnir Niderland və Almaniyanın şəhərlərində keçirilib.
Xatırladaq ki, 2023-cü il dünya çempionatının qalibi Fransa komandası olmuş, həmin vaxt finalda Norveçi məğlub etmişdi. Bu dəfə fransızlar titulunu qoruyamayıb.
