ain.az, Ayna portalına istinadən məlumat yayır.
Görüşlərin dəqiq başlama tarixi dəqiqləşdirilməyib
ABŞ Prezidenti Donald Trampın xüsusi elçisi Stiven Uitkoff və Trampın kürəkəni və müşaviri Cared Kuşner bu həftə sonu Berlində Avropa liderləri və Ukrayna Prezidenti Volodimir Zelenski ilə görüşəcəklər. Görüşlərin dəqiq başlama tarixi dəqiqləşdirilməyib, lakin Uitkoffun 14 və 15 dekabrda Almaniya, Fransa və Böyük Britaniya nümayəndələri ilə danışıqlar aparacağı gözlənilir.
AYNA.AZ xəbər verir ki, bu barədə “The Wall Street Journal” (WSJ) mənbələrə istinadən məlumat yayıb.
Ağ Evin sözçüsü tezliklə bu məlumatı AFP-yə təsdiqləyib.
Uitkoff Zelenskidən əlavə, Almaniya kansleri Fridrix Merz, Fransa Prezidenti Emmanuel Makron, Böyük Britaniyanın Baş naziri Keir Starmer və Ukrayna sülh danışıqlarında iştirak edən bu ölkələrin digər nümayəndələri ilə görüşəcək.
Avropa liderləri əvvəlcə bu həftə sonu ABŞ Prezidenti Donald Trampla görüş təşkil etməyə ümid edirdilər. Media bunun 13 dekabrda Parisdə baş tutacağını bildirib, lakin Polşa radiostansiyası RMF-in Yelisey Sarayındakı mənbəyə istinadən verdiyi məlumata görə, həmin gün Fransa paytaxtında belə bir tədbir planlaşdırılmayıb.
Hadisənin gedişatını izləmək üçün ain.az saytında ən son yeniliklərə baxın.
