Ötən gecə Moskva şəhərinə və vilayətinə pilotsuz uçuş aparatları (PUA) ilə kütləvi hücum baş verib.
Bakıvaxtı.az xəbər verir ki, bu barədə mer Sergey Sobyanin bildirib.
Onun sözlərinə görə, Rusiya hava hücumundan müdafiə qüvvələri paytaxta yaxınlaşan 32 Ukrayna PUA-sını vurub.
Yerli sakinlər Moskva vilayətinin Zelenoqrad, Ramenskoye, Dubna və Sergiev Posad şəhərlərində partlayışlar eşidiblər.
PUA hücumu səbəbilə bütün Moskva hava limanlarında təyyarələrin uçuş və enişinə məhdudiyyətlər tətbiq edilib. Rusiya paytaxtının hava məkanı tam qapadılıb. Domodedovo, Şeremetyevo, Vnukovo və Jukovski hava limanlarında 133 uçuş ləğv edilib, gecikib və ya başqa yerə yönləndirilib. Moskva hava limanlarına uçuşların əksəriyyəti Sankt-Peterburqun Pulkovo hava limanına yönləndirilib.
Moskvanın hava limanları yerli vaxtla saat 8-də fəaliyyətlərini bərpa edib.
