Müəllif: Tamara Mustafayeva, Banco.az
Tramp amerikalı fermerlərə 12 milyard dollarlıq dəstək elan edib.
Banco.azxəbər verir ki, bu həftənin əvvəlində Ağ Evdə keçirilən dəyirmi masa görüşündə Kənd Təsərrüfatı Naziri Bruk Rollins, Xəzinədarlıq Naziri Skott Bessent, Senatın Kənd Təsərrüfatı Komitəsinin sədri Con Buzman və Konqresin bəzi üzvləri, eləcə də Arkanzas, Ayova, İndiana, Kanzas, Luiziana, Pensilvaniya, Ohayo və Texasdan olan fermerlərlə görüşən ABŞ Prezidenti Tramp fermerlərə 12 milyard dollarlıq iqtisadi dəstək verəcəklərini açıqlayıb.
Tramp administrasiyasının tariflərin nəticələri ilə mübarizə aparan Amerika fermerləri üçün 12 milyard dollarlıq stimullaşdırma paketi, fermerlərə maliyyə təzyiqini azaltmaq və yeni, uzunmüddətli qaydalar qüvvəyə minənə qədər sektora müvəqqəti likvidlik təmin etmək məqsədi daşıyır.
Amerikalı fermerlər aşağı əmtəə qiymətləri, artan xammal xərcləri və ticarətdəki fasilələr səbəbindən çətin bir mövsümlə üzləşdikləri üçün Tramp administrasiyası yeni kənd təsərrüfatı dəstək paketi elan edib. Ticarət bazarındakı müvəqqəti pozuntulara və artan istehsal xərclərinə cavab olaraq, Amerika fermerləri ümumilikdə 12 milyard dollar məbləğində birdəfəlik ödəniş alacaqlar.
"Körpü ödənişləri" kimi tanınan bu ödənişlər, ABŞ Prezidenti Donald Tramp tərəfindən iyul ayında imzalanan "Bir Böyük Gözəl Qanun Layihəsi" çərçivəsində kənd təsərrüfatı qaydaları qüvvəyə minənə qədər fermerlərə dəstək verəcək.
Bizi sosial şəbəkələrdən izləyin!!
