Qış mövsümü orqanizm tərəfindən keçid dövrü kimi qəbul edilir və bu zaman insanın daxili aləminə yönəlməsi daha asanlaşır. AzPost xəbər verir ki, psixoloq İrina Krotova bildirib ki, havadakı dəyişikliklər və təbiətin sakitləşməsi insanın emosional fonuna birbaşa təsir göstərir və özünü daha dərindən dərk etmək üçün əlverişli şərait yaradır.
Mütəxəssis qeyd edib ki, enerji səviyyəsi fiziologiya ilə sıx bağlıdır. “Aşağı qan təzyiqində enerji tez tükənir, yüksək təzyiqdə isə adətən ciddi enmə müşahidə olunmur. Bədənin gündəlik ritmini qoruması mühümdür — bu, uyğunlaşma resurslarının aktivləşməsinə kömək edir və xarici mühitin dəyişməsinə qarşı stabillik yaradır”, – deyə Krotova vurğulayıb.
Psixoloqun sözlərinə görə, qış insanların daha diqqətli, dəqiq, intizamlı, düşüncəli, oxumağa meylli və tolerant olmasına zəmin yaradır. İlkin soyuq və cansıxıcı atmosferi aşmağı bacaranlar isə özünü dərk etmə, keçmişi analiz etmə, daxili dialoq qurma kimi proseslərə yönəlir.
Krotova hesab edir ki, həyat tempinin ləngiməsi, təbiətin susması və gündəlik ritmlərin dəyişməsi insanın özünə qayıtması üçün ideal şərait formalaşdırır və bu da daha dərin, şüurlu həyat tərzinə keçidi dəstəkləyir.
