ain.az, GlobalInfo saytından verilən məlumata əsaslanaraq xəbər yayır.
“2022-2026-cı illərdə sosial-iqtisadi inkişaf Strategiyasının və Böyük Qayıdışa dair I Dövlət Proqramının uğurlu icrası, eləcə də onların növbəti mərhələsi ortamüddətli dövr üçün əsas çağırışlar hesab olunur. Bu gün artıq 2027-2030-cu illəri əhatə edəcək yeni Strategiya və Böyük Qayıdışa dair II Dövlət Proqramı hazırlanır”.
Globalinfo.az xəbər verir ki, bu fikirləri Milli Məclisin plenar iclasında baş nazir Əli Əsədov deyib.
“2026-2029-cu illərdə dövlət xərclərinin əsas prioritet istiqamətləri aşağıdakılardır:
1.Dayanıqlı iqtisadi artımın dəstəklənməsi;
2.İşğaldan azad olunmuş ərazilərdə yenidənqurma, bərpa və məskunlaşdırma tədbirlərinin davam etdirilməsi;
3.Müdafiə və milli təhlükəsizlik tədbirlərinin gücləndirilməsi;
4.Sosial müdafiə və sosial təminat istiqamətində tədbirlərin davamlı icrası;
5.Təhsilin və innovativ inkişafın dəstəklənməsi;
6.Səhiyyə sisteminin müasirləşdirilməsi və tibbi xidmətlərin keyfiyyətinin yüksəldilməsi;
7.Təmiz ətraf mühit və “yaşıl artım”ın təmin olunması.
2026-cı ildə icmal büdcənin gəlirləri təqribən 45 milyard manat, xərcləri isə 48.8 milyard manat proqnoz olunur. İcmal büdcənin kəsirinin ÜDM-ə nisbəti 2,9%-dir”, – Əli Əsədov bildirib.
Safura Bənnayeva
Globalinfo.az
Ən son xəbərləri və yenilikləri almaq üçün ain.az saytını izləyin.
