Ukrayna lideri: Pekin zəif və uduzan Rusiyanı istəmir, bu isə müharibənin uzanmasına xidmət edir…
Poliqon xəbər verir ki, Ukrayna Prezidenti Vladimir Zelenski Çinin hazırkı geosiyasi mövqeyinin müharibənin dayanmasına töhfə vermədiyini bildirib. UNİAN-ın məlumatına görə, dövlət başçısı Çin üçün nə zəif, nə də məğlub olmuş Rusiyanın sərfəli olmadığını, bunun isə birbaşa şəkildə Ukrayna xalqının əzablarını artırdığını deyib.
Zelenski vurğulayıb ki, Pekinin Rusiyanı dayandırmaqda maraqlı olmaması müharibənin davam etməsi deməkdir: “Bu, o demək deyil ki, Çin Rusiyanı silahla təmin edir, amma müharibənin bitməsini dəstəkləmədiyi açıq görünür”. Onun sözlərinə görə, Çin tərəfinin Ukraynada ədalətli sülhə yönəlmiş proseslərdə daha aktiv rol oynamaması regional sabitliyə mənfi təsir göstərir.
Prezident əlavə edib ki, Çinin Rusiyaya birbaşa silah tədarükü ilə bağlı ona kəşfiyyat orqanları tərəfindən hər hansı məlumat təqdim olunmayıb. Lakin Zelenski hesab edir ki, Pekinin siyasi mövqeyi və Moskva ilə strateji yaxınlığı müharibənin gedişinə dolayı şəkildə təsir edir.
Ukrayna lideri Qərb tərəfdaşlarını diqqətli olmağa çağıraraq bildirib ki, münaqişənin uzanması yalnız Ukrayna üçün deyil, qlobal təhlükəsizlik üçün də ciddi risklər yaradır.
Poliqon.info
