Vətəninfo.az xəbər verir ki, Rusiya Müdafiə Nazirliyi ölkənin hava hücumundan müdafiə sistemlərinin son sutka ərzində Ukraynaya məxsus 67 pilotsuz uçan aparatı məhv etdiyini açıqlayıb.
Rəsmi məlumatda bildirilib ki, Rusiya qırıcıları Bryansk vilayətində 24, Saratovda 12, Rostovda isə 11 PUA-nı vurub. Bundan əlavə, Volqoqradda 9, Kursk, Leninqrad, Tula və Moskva vilayətlərinin hər birində 2, Kaluqa, Oryol və Smolensk vilayətlərində isə 1 pilotsuz aparat zərərsizləşdirilib.
Nazirliyin açıqlamasına görə, Ukraynanın hücumlarına cavab olaraq Rusiya ordusu hava, dəniz və quru bazalı yüksək dəqiqlikli silahlar, eləcə də PUA-lar vasitəsilə Ukraynanın hərbi-sənaye kompleksinə aid obyekt və müəssisələrinə zərbələr endirir.
Rusiya tərəfi bu zərbələrin yalnız hərbi infrastruktura yönəldiyini iddia edir.
