2026-cı ilin payızında keçiriləcək aralıq seçkilər öncəsi Respublikaçı Partiyasının Nümayəndələr Palatasından kütləvi çıxışı gözlənilir.
AFN.az xəbər verir ki, bu barədə "The Hill" qəzeti məlumat yayıb.
Bildirilir ki, artıq 20-dən çox respublikaçı konqresmen yenidən namizəd olmayacağını açıqlayıb və yaxın həftələrdə bu sayın artacağı gözlənilir. Bu, partiyanın aşağı palatada kiçik üstünlüyünü qorumasını çətinləşdirəcək. Hazırda respublikaçılar 219 yerə, demokratlar isə 213 yerə sahibdir. Üç yer isə istefa və vəfatlar səbəbindən boşdur.
"The Hill" qeyd edir ki, istefa verməyi planlaşdıran respublikaçıların sayı 2018-ci ildəki səviyyəyə çata bilər. Həmin dövrdə Donald Trampın ilk prezidentliyi zamanı Nümayəndələr Palatasını 48 respublikaçı tərk etmişdi: 34 nəfər yenidən namizəd olmayıb, 14 nəfər istefa etmişdi. Nəticədə hakim partiya aşağı palatada üstünlüyünü itirmişdi.
Kentukki ştatından Respublikaçı Tommas Massi jurnalistlərə bildirib ki, Tramp dövründə konqresmenlər “robot kimi işləməyə məhkumdurlar”. “Onlardan Trampın istədiklərini etmələri tələb olunur. Bu, yetkin insan üçün xoş olar? Çoxluğum həmkarlarım uğurlu insanlardır, burada olmaq üçün çox çalışıblar, amma sonra özlərini spikerin ‘möhürü’, spikerin isə prezidentin ‘möhürü’ olaraq gördülər. Onları digər vəzifələrə namizəd olduqları və ya evlərinə qayıtdıqları üçün qınamıram”, — deyə senator qeyd edib.
Aralıq seçkiləri 3 noyabr 2026-cı il keçiriləcək. Seçkilərdə Nümayəndələr Palatasının bütün 435 üzvü və senatın üçüncü hissəsi — 33 senator yenidən seçkilərdə iştirak edəcək. Hazırda hər iki palata respublikaçıların nəzarətindədir.
