AXCP sədri Əli Kərimlinin vətənə xəyanət və dövlət çevrilişinə cəhd cinayəti(Ramiz Mehdiyev işi) ürə saxlanılması onun sabiq administrasiya rəhbəri ilə illərdir iş birliyində olması barədə söhbətlərin əsassız olmadığını göstərdi. O da fakt idi ki, R. Mehdiyev vəzifədən gedəndən və mövqeləri zəifləyəndən sonra AXCP-nin də fəaliyyəti məhdudlaşdı, kütləvi aksiyalara həvəs göstərilmədi. Partiya faktiki olaraq sosial şəbəkə statuslarından ibarət oldu. Bütün bunlar isə Əli Kərimlinin məhz Mehdiyevdən instruktaj aldığını göstərirdi.
İndi cəmiyyətə maraqlı olan bir məsələ də var: Dövlət çevrilişinə cəhd, vətənə xəyanət cinayəti üzrə istintaqa cəlb olunmuş Ə.Kərmlinin partiyasını hansı aqibət gözləyir?
Burada real ehtimal kimi birinci növbədə AXCP-nin qeydiyyatının ləğvi məsələsi göz önünə gəlir. Çünki partiyanın rəhbəri və onun partiyadakı yaxın adamları dövlət çevrilişinə cəhd, vətənə xəyanət cinayətləri üzrə istintaqa cəlb olunublarsa, bu fakt avtomatik olaraq diqqəti siyasi partiyalar haqqında qanuna yönəldir.
Siyasi partiyalar haqqında qanuna görə, hakimiyyətin zorla ələ keçirilməsi və ya saxlanılması, kütləvi iğtişaşlara, terrorçuluğa açıq çağırışlar edilməsi, xarici dövlətlərlə qeyri-leqal əlaqələrin qurulması və s. kimi əməllər partiyanın ləğv edilməsinə əsas yaradır.
Qanunun tələblərinin pozulmasına görə isə partiyanı idarə etmək səlahiyyətində olan vəzifəli şəxs məsuliyyət daşıyır. Yəni sədr. Daha dəqiq Əli Kərimli.
Elcan
Missiya.Az
