Faberjenin "Qış Yumurtası" Christie's hərracında satışa çıxarılıb.
Azreform.info xəbər verir ki, bu zərif şah əsərin başlanğıc qiyməti 20 milyon funt sterlinqdir.
Bu, yumurtanın üçüncü dəfə hərraca çıxarılmasıdır. İlk dəfə 1994-cü ildə Cenevrədə 5 milyon dollardan çox qiymətə satılıb və daha sonra 2002-ci ildə Qətərin hakim Əl-Tani sülaləsinin nəslindən olan şəxs tərəfindən 9,5 milyon dollara satın alınaraq dünya rekordu qırılıb. Forbes-in məlumatına görə, indi mərhum şeyxin varisləri kristal şah əsərindən çoxlu pul qazanmağa ümid edirlər.
"Qış Yumurtası" gənc zərgər və Karl Faberjenin qardaşı qızı Alma Pihl tərəfindən dizayn edilib. O, digər yumurtalardan parlaq materialları və əsərlərin dəbdəbəsindən daha çox sənətkarlığın virtuozluğunu vurğulayan monoxrom rəng sxemi ilə fərqlənir. Yumurta çox kövrək material olan qaya büllurundan, ay daşından və brilyantlardan hazırlanıb.
Elvin
Azreform.info
