.webp)
"Çelsi"nin ukraynalı futbolçusu Mixaylo Mudrik dopinqlə bağlı araşdırma çərçivəsində yalan detektoru testindən keçib.
Publika.az xəbər verir ki, 24 yaşlı oyunçu qadağan olunmuş maddə qəbulunda ittiham olunduğu üçün karyerasını bərpa etmək uğrunda mübarizəni davam etdirir. 2024-cü ilin dekabrında Mudrikdə meldonium üzrə müsbət dopinq nümunəsi aşkarlandığı barədə ona bildiriş göndərilmişdi.
"Daily Mail" yazır ki, Mudrik daha əvvəl könüllü şəkildə poliqraf testindən keçərək qadağan olunmuş preparatı qəsdən qəbul etmədiyini sübut etməyə çalışıb.
Ukraynalı futbolçu 2023-cü ildə "Çelsi"-yə "Şaxtyor Donetsk" klubundan keçib. O, London təmsilçisində 73 oyunda 10 qol vurub. Müqaviləsi 2031-ci ilə qədər nəzərdə tutulub.
