Qafqazinfo saytından verilən məlumata görə, ain.az xəbər verir.
Ağ Ev administrasiyasının rəhbəri Donald Tramp üçüncü dünya ölkələrindən olan şəxslərin ABŞ-yə miqrasiyasını qeyri-müəyyən müddətə dayandıracağını bəyan edib.
“Qafqazinfo” xəbər verir ki, bu barədə o, “Truth Social” sosial şəbəkə hesabında yazıb.
“ABŞ sisteminin tam bərpasına imkan yaratmaq üçün üçüncü dünya ölkələrindən miqrasiyanı dayandıracağam, Baydenin (sabiq ABŞ prezidenti Co Bayden - red.) verdiyi milyonlarla qanunsuz giriş icazələrini ləğv edəcəyəm və Birləşmiş Ştatlara xalis qazanc olmayan və ya ölkəmizi sevə bilməyənlərin hamısını ölkədən çıxaracağam, vətəndaşlığı olmayan şəxslər üçün bütün federal imtiyazları və subsidiyaları, daxili nizamı pozan miqrantların vətəndaşlığını ləğv edəcəyəm və cəmiyyət üçün yük olan, təhlükəsizliyə təhdid yaradan və ya Qərb sivilizasiyasına uyğun olmayan bütün əcnəbi vətəndaşları deportasiya edəcəyəm”, - o qeyd edib.
Dövlət başçısı mövcud vəziyyəti tam düzəltmək üçün yeganə çıxış yolunun əks istiqamətə miqrasiya olduğunu əlavə edib.
Hadisənin gedişatını izləmək üçün ain.az saytında ən son yeniliklərə baxın.
