Almaniya kansleri Fridrix Merz ABŞ prezidenti Donald Trampı Cənubi Afrikanı 2026-cı ildə Floridada keçiriləcək G20 sammitinə dəvət etməmək fikrindən çəkindirməyə çalışacaq.
Musavat.com xəbər verir ki, kansler bu açıqlama ilə Berlində Estoniyanın Baş naziri Kristen Mixal ilə birgə mətbuat konfransında çıxış edib: "Amerika hökumətinin ötən həftə Yohannesburqda G20 sammitində olmamasına təəssüfləndim".
Onun fikrincə, ABŞ administrasiyası bununla "dünyanın getdikcə daha vacib hala gələn bir hissəsindəki təsirindən imtina edir": "ABŞ-da keçiriləcək G20 görüşündən əvvəl ABŞ prezidenti ilə danışıqlarım və görüşlərim zamanı da onu inandırmağa çalışacağam ki, bütün G20 üzvlərini Amerikaya dəvət etmək yaxşı fikir olardı, çünki bu, hazırda dünyada mövcud olan ən vacib çoxtərəfli formatlardan biridir. Mənim fikrimcə, G7 və G20 zəruri olmadığı təqdirdə mövcud olduğundan daha kiçik edilməməli formatlardır".
Qeyd edək ki, noyabrın 26-da Tramp Truth Social-da Cənubi Afrikanın 2026-cı ildə Floridada keçiriləcək G20 zirvəsinə dəvət olunmayacağını elan edib. ABŞ prezidenti Cənubi Afrikanın G20-dəki üzvlüyünə istinad edərək "Cənubi Afrikanın artıq üzvlüyə layiq ölkə olmadığını dünyaya nümayiş etdirdiyini" bildirib.
Musavat.com
