FİFA-dan Ronaldoya görə adekvat addım

FİFA 2026-cı ildə ABŞ, Kanada və Meksikada təşkil olunacaq dünya çempionatına həsr etdiyi posteri dəyişib.

"Football-plus.az" xəbər verir ki, buna səbəb posterdə Portuqaliya yığmasının və “Əl-Nəssr”in kapitanı Kriştiano Ronaldonun təsvirinin görünməməsi olub. Azarkeşlər 40 yaşlı ulduz futbolçunun yoxluğuna görə sosial şəbəkələrdə etiraz ediblər. Nəticədə FİFA posteri sosial şəbəkə hesablarından və saytından silib.

Ali futbol qurumu artıq mundial üçün yeni poster də hazırladıb. Bu posterdə isə Ronaldoya yer verilib.