ain.az bildirir, Demokrat.az saytına əsaslanaraq.
"Canavarların artması‑azalması üzrə son dövrlərdə ciddi artım qeydə alınmayıb. Statistik məlumatlara baxsaq, açıqlanan rəqəmlərə görə, Azərbaycanda ümumi canavar sayı 15–20 min civarındadır".Bu sözləri Demokrat.az-a açıqlamasında ekoloq Sadiq Həsənov deyib. O bildirib ki, qanunvericiliyin işləməsi və cəzaların tətbiqi müəyyən artıma səbəb ola bilər, ancaq bu artım böyük deyil:"Sadəcə, qış aylarında havanın tez qaralması canavarların təsərrüfatlara, heyvanlara hücum imkanlarını artırır.Buna görə bu aylarda təhlükəsizlik tədbirləri gücləndirilməlidir. İnsanlar təsərrüfatlarını mühafizə etməlidirlər. Çünki onların hücumları ənənəvi olaraq qışda daha çox olur. Məlumatlar da bunu təsdiqləyir".Ekspert deyib ki, təhlükəsizlik tədbirlərinin artırılması tələb olunur:"Qışda yem azaldığı üçün canavarlar daha uzağa getməyə məcbur olur, bu da qoyun və mal-qara saxlanılan ərazilərdə hücumların artmasına gətirib çıxarır.Hücumların qarşısının alınması üçün təhlükəsizlik tədbirlərinin gücləndirilməsi ən vacib addımdır. Bu istiqamətdə təsərrüfat rəhbərləri və hüquq mühafizə orqanları birlikdə çalışmalıdır. Yalnız təsərrüfat tədbirləri ilə hücumların qarşısını almaq mümkündür".Qeyd edək ki, son günlər müxtəlif rayonlarda mal-qaraya canavarların hücumu halı baş verir. Əfsanə Kamal
Demokrat.az
Daha ətraflı məlumat və yeniliklər üçün ain.az saytını izləyin.
