İcbari tibbi sığorta hesabına əməliyyatların sayı ARTIB - RƏSMİ

Bu ilin ilk 10 ayı ərzində icbari tibbi sığorta hesabına dövlət və özəl tibb müəssisələrində 571 449 əməliyyat icra olunub.

Paralel.az xəbər verir ki bunu İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova Gəncə şəhərində təşkil olunmuş mediaturda deyib.

Onun sözlərinə görə, ötən ilin müvafiq dövründə isə 542 516 əməliyyat icra olunub. Bu il əməliyyatların sayı 5 faiz artıb.

Agentlik əməkdaşı qeyd edib ki, dövlət tibb müəssisələrində ən çox icra olunan əməliyyatlar ginekoloji, uroloji və oftalmoloji əməliyyatlardır.