UEFA Çempionlar Liqasının əsas mərhələsinin 5-ci turunda Parisdə "Tottenhem"i 5:3 hesabı ilə məğlub edən PSJ-nin yarımmüdafiəçisi Vitinya oyun barədə fikirlərini bölüşüb.
Fanat.Az xəbər verir ki, komandasının qələbəsinə het-triklə yardımçı olan portuqaliyalı futbolçunun sözləırini "L’Équipe" belə çatdırıb:
"Bu, xüsusilə mənim üçün unudulmaz axşam idi. Amma hər şeydən öncə komandadan, ortaya qoyduğumuz gücdən danışmalıyıq. Biz böyük çətinlikləri dəf edə bildik. İki dəfə hesabda geri düşsək də, sonda istəyimizə çatmağı bacardıq. Ötən il də belə olmuşdu. Hətta ən çətin anlarda da "Park de Prens"ə toplaşan azarkeşlər bizə inanmağa, dəstəkləməyə davam etdilər. Xoşbəxtlikdən özümüzü itirmədik, vəziyyəti xeyrimizə dəyişdik.
PSJ-dəki ilk ilimdə baş məşqçimiz Luis Enrike mənə çox kömək etdi və əla mövsüm keçirdim. Hərçənd Çempionlar Liqasının qazandığımız ikinci mövsüm daha yaddaqalan oldu. İndi isə hədəf səviyyəni qorumaqdır. Daimi rəqabət fonunda bu işin öhdəsindən gəlmək asan deyil.
Komanda inanılmaz idi. Start "11-lik"də yer alan, oyuna sonradan qoşulan və bu görüşdə mübarizə aparmasalar da, bizim üçün vacib olan bütün futbolçularımızı təbrik edirəm. Bu mənim ən yaxşı oyunum olmasa da, udunulmaz qarşılaşmadır. Bu oyunu bütün ömrüm boyu xatırlayacam, çünki heç vaxt het-trik edə biləcəyimi düşünməmişdim".
Nihat
