“Rusiyada “WhatsApp”ın bloklanması qaçılmazdır”.
Missiya.Az xəbər verir ki, bu barədə Rusiya Dövlət Dumasının İnformasiya siyasəti, informasiya texnologiyaları və rabitə komitəsinin üzvü Anton Nemkin məlumat verib.
O bildirib ki, xidmət sistematik olaraq Rusiya qanunlarına məhəl qoymur və ölkədə qaydalara əməl etmədən fəaliyyətini davam etdirir, o cümlədən istifadəçilərin təhlükəsizliyinə problem yaradır.
"Bir xidmət qanunlarımıza zidd fəaliyyət göstərdikdə və insanları təhdid edəndə, onun bloklanması an məsələsidir", - deyə siyasətçi vurğulayıb.
Nemkin qeyd edib ki, “WhatsApp” Rusiyada ekstremist hesab edilən və illərdir ölkənin tələblərinə əməl etməyən “Meta” şirkətinə məxsusdur. Eyni zamanda messencerdə istifadəçilərə qarşı fırıldaqçıların hücumları da artıb.
Daşqın HəsənovMissiya.Az
