Evi qarət olundu

Ceymi Vardi ziyana düşüb. “Kremoneze”nin hücumçusu xoşagəlməz hadisə ilə üzləşib.

"Football-plus.az" xəbər verir ki, 38 yaşlı futbolçunun evi qarət edilib. Hadisə A seriyasının 12-ci turunun “Roma” ilə oyunu (1:3) zamanı baş verib. Cinayətkarlar futbolçunun və ailəsinin yoxluğundan istifadə edərək pəncərəni sındırıb, qiymətli saatlar, zərgərlik əşyaları və pulları oğurlayıblar. İlkin hesablamalara görə, dəyən zərərin məbləği təxminən 100 min avroya bərabərdi.

Polisin açıqlamasına görə, cinayətkar dəstə futbolçunun, həyat yoldaşının və uşaqlarının hərəkətlərini izləyib və evin mühafizəsiz qalacağı barədə əvvəlcədən məlumatlı olub.