Ajans.az bu barədə BBC-yə istinadən xəbər verir. Bildirilib ki, məbədin baş meneceri ölü olduğu düşünülən qadının tabutundan zəif taqqıltı səsi eşidib. O, tabutun açılmasını tapşırıb. Tabut açılan zaman qadının gözlərini bir az açıb tabutun yan tərəfinə döydüyünü görüb. 65 yaşlı qadının qardaşı isə yerli rəsmilərin ona bacısının öldüyünü dediyini bildirib. Lakin məbədin meneceri qardaşın ölüm şəhadətnaməsinin olmadığını bildirib. Qadının sağ olduğu məlum olduqdan sonra məbədin rahibi (Buddist monastırının rəhbəri) qadının dərhal xəstəxanaya çatdırılmasını əmr edib. Yerli xəbərlərə görə, həkim daha sonra qadının ağır hipoqlikemiya - qan şəkərinin səviyyəsinin kəskin şəkildə aşağı düşdüyü bir vəziyyət yaşadığını təsdiqləyib. Qadının qardaşı isə bildirib ki, o, son iki ildir yataq xəstəsi imiş və səhhəti pisləşdikcə nəfəs almağı dayandırıb.
