“Komо”nun yarımmüdafiəçisi Nikolas Pasın Madridə dönüşü rəsmiləşməyə yaxındır.
90deqiqe.Az-ın məlumatına görə, 21 yaşlı futbolçu “Real”a qayıtmaq barədə qərarını verib. Lakin xüsusi geri alış maddəsi yalnız yay aylarında qüvvəyə mindiyindən keçid yanvarda baş tutmayacaq.
Transferin iyun ayında tamamlanması gözlənilir.
Argentinalı yarımmüdafiəçi cari mövsümdə bütün turnirlər daxil olmaqla 12 görüşdə iştirak edib, 5 qol vurub və 4 asist edib. Transfermarkt Pasın bazar dəyərini 55 milyon avro göstərir.
