Avstraliyada sağçı, müsəlman və miqrant əleyhinə Bir Millət (One Nation) partiyasının lideri, senator Polin Hanson burkanın qadağan olunması ilə bağlı qanun layihəsini təqdim etməsinin qarşısı alınandan sonra etiraz əlaməti olaraq burka geydiyi üçün Senatdakı 7 iclasdan kənarlaşdırılıb.
Hanson dünən burka geydikdən sonra Avstraliya Xarici İşlər Naziri və Senat lideri Peni Vongun Hansonun Senatdan 7 iclas kənarlaşdırılmasına dair tənqid qərarı təklifi səsverməyə çıxarılıb.
Senatda 55 nəfərin təsdiqi ilə əksəriyyətin təmin edildiyi tənqid qərarında Hansonun davranışının və burka geyməsinin din əsasında insanlara lağ etmək və onları gözdən salmaq niyyətində olduğu və müsəlman avstraliyalılara hörmətsizlik təşkil etdiyi bildirilib.
Qərara əsasən, Hanson Senatın növbəti 7 iclasından kənarlaşdırılıb.
Senat lideri Vong açıqlamasında bildirib ki, Hanson ölkədə təxminən 1 milyon avstraliyalının mənsub olduğu ikinci ən geniş yayılmış dini inanca lağ edib və onu gözdən salıb: "Hanson Parlamentdəki ilk çıxışında Avstraliyanın mənim kimi asiyalıların istilası təhlükəsi ilə üzləşdiyini demişdi. İndi müsəlmanları da bu siyahıya əlavə edib. Mən isə burada ilk çıxışımda onun kimi insanlar səbəbindən Avstraliyanın nifrətlə istila olunma təhlükəsi ilə üzləşdiyini bildirmişdim".
