Bizimyol portalından verilən məlumata görə, ain.az xəbər yayır.
Fransa prezidenti Emmanuel Makron bildirib ki, hazırda əsasən Belçikada saxlanılan dondurulmuş Rusiya dövlət aktivlərinin taleyinə avropalıların özləri qərar verməlidir.
Bizimyol.info xəbər verir ki, "Politico" nəşrinin məlumatına görə, Makron Vaşinqtonun Ukrayna ilə bağlamaq istədiyi “sülh planı”nın şərtlərinə qarşı çıxıb və Avropanı qətiyyət göstərməyə çağırıb.
“Fransa prezidenti Emmanuel Makron ABŞ-ın Ukrayna ilə razılaşma çərçivəsində irəli sürdüyü "sülh planı"nın şərtlərinə qarşı çıxıb. O, avropalıları dondurulmuş Rusiya aktivlərinin necə istifadə olunması barədə qərarı özlərinin verməyə çağırıb”, – deyə xəbərdə bildirilir.
Xatırladaq ki, ötən həftə ABŞ tərəfindən təklif edilən 28 maddəlik “sülh planı”nda atəşkəsdən sonra Ukraynanın bərpası üçün rus dövlət aktivlərindən ABŞ təşəbbüslərinə maliyyə ayrılması nəzərdə tutulur. Bu cür yanaşma Avropanın Ukraynanın hərbi ehtiyacları üçün 140 milyard avroluq aktivləri səfərbər etmək cəhdlərini təhlükə altına sala bilər.
Ukrayna mətbuatının verdiyi məlumata görə, 24 noyabrda Ukrayna nümayəndə heyəti ABŞ və Avropa tərəfdaşları ilə danışıqlardan sonra Cenevrədən qayıdıb. Prezident Vladimir Zelenski xalqa videogörüşündə “sülh sazişi” üzrə əldə olunan irəliləyiş barədə məlumat verib.
Zelenski bildirib ki, müzakirələrdən sonra müharibənin başa çatdırılması üçün lazım olan addımlar siyahısı işlək mexanizmə çevrilə bilər. Onun sözlərinə görə, artıq Trampın “sülh planı” əvvəlki kimi 28 maddədən ibarət deyil.
Bununla yanaşı, Zelenski yekun sənəd üzərində hamının birgə daha çox işləməli olduğunu vurğulayıb: “Əksər ölkələrin bizə yardım etməyə hazır olmasını və ABŞ tərəfinin konstruktiv mövqeyini yüksək qiymətləndiririk”, – deyə prezident qeyd edib.
Ukrayna lideri onu da bildirib ki, Ukrayna komandası yeni addımlar layihəsi üzrə artıq hesabat verib: “Və bu, həqiqətən də düzgün yanaşmadır – həssas məsələləri mən Prezident Trampla müzakirə edəcəyəm”, – deyə Zelenski əlavə edib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
