SOCAR üçün yetkin yataqların canlandırılması gündəlik fəaliyyətin əsas prioritetlərindən biridir
"APA-Economics" xəbər verir ki, bunu SPE Xəzər Texniki Konfransında çıxışı zamanı SOCAR-ın Yataqların İnkişafı üzrə meneceri Murad Seyidov bildirib.
Onun sözlərinə görə, yetkin yataqlarda bir sıra məhdudiyyətlər mövcuddur və bunların bəziləri artıq 100 ildən çox fəaliyyət göstərir.
"Bu (məhdudiyyətlər - red.) yalnız yeraltı ehtiyatların tükənməsi demək deyil, həm də tətbiq olunan praktikaların, biliklərin, infrastrukturun, köhnəlmiş quyuların və boru kəmərlərinin yaşlanması ilə bağlıdır", - Murad Seyidov qeyd edib.
O əlavə edib ki, dünyada neft hasilatının 70%-dən çoxu yetkin yataqlarda həyata keçirilir və bu göstərici zamanla artır.
