ain.az, Marja.az portalına istinadən məlumat yayır.
FAB Şirkətlər Qrupu Birləşmiş Ərəb Əmirliklərinin Dubay şəhərində keçirilən “Big 5 Global UAE 2025” sərgisində iştirak edir.
Şirkət geniş məhsul portfeli, yüksək keyfiyyət standartlarına əsaslanan istehsal imkanları ilə sərgidə təmsil olunur.
“Big 5 Global UAE 2025” FAB üçün təkcə nümayiş platforması deyil, həm də qlobal rəqabətə inteqrasiya və beynəlxalq bazarda dayanıqlı mövqelərin qurulması üçün strateji addımdır. Bu qlobal tədbir yeni ixrac bazarları ilə birbaşa əlaqələrin qurulması, qlobal distribütor və tərəfdaşlarla əməkdaşlıq zəncirinin genişlənməsi, innovativ inşaat texnologiyalarının mənimsənilməsi, FAB brendinin beynəlxalq tanınma və etibarlılıq səviyyəsinin yüksəldilməsi üçün real imkanlar yaradır. Sərgi çərçivəsində aparılacaq görüşlərdə FAB məhsullarının Yaxın Şərq və Şimali Afrika bazarlarına çıxışı üçün mühüm razılaşmaların əldə olunması gözlənilir",- FAB Şirkətlər Qrupunun yaydığı məlumatda bildirilir.
Qeyd edək ki, “Big 5 Global” sərgisi bu il 165-dən çox ölkənin yerli istehsalçılarını bir araya gətirir. Sərgi 27 noyabr 2025-ci il tarixində başa çatacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
