ain.az, Operativ MM portalına istinadən məlumat yayır.
Milli Məclisin bu gün keçirilən plenar iclasında deputat Hicran Hüseynova 25 noyabr – Qadınlara qarşı zorakılığa qarşı Beynəlxalq Mübarizə Gününə toxunub.
"Operativ Məlumat Mərkəzi-OMM"-in xəbərinə görə, o bildirib ki, artıq 26 ildir ki, bu gün qeyd olunur və 30 il öncə ulu öndər Heydər Əliyevin təşəbbüsü ilə Azərbaycan BMT-nin qadınlara qarşı ayrı-seçkiliyin bütün formalarının ləğv olunması Konvensiyasına qoşulub.
Deputat vurğulayıb ki, Prezident İlham Əliyevin sərəncamları ilə ölkədə qadınlara qarşı zorakılığın qarşısının alınması üçün güclü qanunvericilik bazası yaradılıb. Müvafiq normativ-hüquqi aktlar, fəaliyyət planları və qaydalar təsdiqlənib, birinci vitse-prezident Mehriban Əliyevanın təşəbbüsləri bu sahədə mühüm rol oynayıb.
Hicran Hüseynova xatırladıb ki, 2010-cu ildə Milli Məclisdə qadınlara qarşı zorakılığın qarşısının alınması ilə bağlı qanun qəbul olunub, sonrakı illərdə isə ona əlavələr edilib. Buna baxmayaraq, hələ də məhkəmə sistemində bu qanundan kifayət qədər istifadə olunmur və açılan işlərin sayı azdır.
Deputat bildirib ki, zorakılıq yalnız bir ailə üçün deyil, bütövlükdə cəmiyyət üçün təhlükədir və maarifləndirmə işlərinin gücləndirilməsinə ehtiyac var. Hicran Hüseynova xahiş edib ki, məhkəmə sistemi bu məsələyə daha çox diqqət yetirsin və qanunvericilik tədbirləri daha effektiv tətbiq olunsun.
Mehman Mirzəzadə
Ən son xəbərləri və yenilikləri almaq üçün ain.az saytını izləyin.
