"Liverpul"un isveçli hücumçusu Aleksander İsak Premyer Liqada (turnir 1992-ci ildən belə adlanır) klub tarixinin antirekorduna imza atıb.
Fanat.Az xəbər verir ki, bu yay "Nyukasl"dan 130 milyon avro qarşılığında transfer olunan forvard "qırmızılar"ın start heyətində yer aldığı 4 çempionat matçının hamısında məğlubiyyət acısı dadan ilk oyunçu ünvanına sahib çıxıb.
O, "Kristal Pelas", "Çelsi", "Mançester Yunayted" və "Nottingem Forest"lə qarşılaşmlarda ilk "11-lik"də olub.
Qeyd edək ki, Premyer Liqada çıxdığı 5 oyunda 1 məhsuldar ötürmə ilə yadda qalan İsakın Mersisayd təmsilçisi ilə müqaviləsinin müddəti 2031-ci ilin yayına qədər nəzərdə tutulub.
Nihat
