Azpost saytından alınan məlumata görə, ain.az bildirir.
Türkiyənin Mersin vilayətinin Tarsus rayonunda dəhşətli qətl hadisəsi aşkarlanıb. Tikinti tullantılarının toplandığı ərazidə çarpayının içərisindən bıçaqlanaraq öldürülmüş kişi meyiti tapılıb.
AzPost Türkiyə mətbuatına istinadla xəbər verir ki, hadisə Fevzi Çakmak məhəlləsi, İbni Sina küçəsində gün ərzində baş verib. Məlumata görə, sahəyə atılmış çarpayını görən bir vətəndaş onu götürmək üçün yaxınlaşıb və altındakı xalçanın şişkin olduğunu hiss edib. Xalçanı açan şəxs insan meyiti ilə qarşılaşaraq dərhal polisə məlumat verib.
Əraziyə cəlb olunan polis qrupları ilkin araşdırma zamanı kişinin bıçaq zərbələri ilə öldürüldüyünü, daha sonra duzlanaraq xalçaya büküldüyünü və kəndirlə bağlanaraq çarpayının içinə yerləşdirildiyini müəyyən edib. Meyit daha sonra naməlum şəxslər tərəfindən molozların arasına atılıb.
Şəhər prokurorluğu və polis tərəfindən aparılan baxışdan sonra kimliyi hələ müəyyənləşdirilməyən, təxminən 35 yaşlarında olan kişinin cəsədi məhkəmə-tibbi ekspertizaya göndərilib.
Araşdırmalar zamanı həmçinin məlum olub ki, qətlə yetirilən şəxsin əlil olduğu və sağ qolunun dirsəkdən yuxarı olmadığı bildirilir. Hazırda cinayətin kim tərəfindən və hansı səbəbdən törədildiyi istiqamətində istintaq davam edir.
AzPost.az
Paylaş
Hadisənin gedişatını izləmək üçün ain.az saytında ən son yeniliklərə baxın.
