RU

Karrager "Arsenal"ın forvardına görə üzr istədi

"Liverpul"un və İngiltərə millisinin sabiq müdafiəçisi, hazırda futbol eksperti qismində fəaliyyət göstərən Ceymi Karrager London "Arsenal"ının hücumçusu Ebereçi Ezedən danışıb.

Fanat.Az "Sky Sports"a istinadən xəbər verir ki, o, İngiltərə Premyer Liqasının 12-ci turunda "Tottenhem"ə qarşı keçirdikləri oyunda (4:1) het-triklə yadda qalan forvard barədə yayda səsləndirdiyi fikirlərə görə üzr istəyib:

"Düzü, yayda "Arsenal" Eze ilə müqavilə bağlayarkən düşündüm: "Hə, bəlkə də işə yarayar". Amma biz bu mövsüm onun yüksək performans sərgilədiyini görürük. Bir neçə möhtəşəm qol vurub, ardından isə het-triklə yadda qalıb. Qısası, üzr istəyirəm. Bu futbolçunun transferini layiqincə qiymətləndirməmişəm. Reallıq budur ki, Eze bu mövsüm "Arsenal"ın titul qazanmasında həlledici rol oynaya bilər".

Qeyd edək ki, cari mövsüm "topçular"ın forması ilə bütün turnirlərdə 16 matça çıxan Ebereçi 5 qol və 3 məhsuldar ötürmə ilə yadda qalıb.

Nihat

Избранный
48
1
fanat.az

2Источники