Odlar Yurdu Universitetinin 30 illik yubileyinə həsr edilmiş “Karyera həftəsi – 2025” layihəsinin nəticələrinə dair infoqrafika təqdim edilib.
QHT.az xəbər verir ki, bu barədə Odlar Yurdu Universitetinin Strateji inkişaf və karyera departamentinin rəhbəri, iqtisadçı-ekspert Aslan Əzimzadə məlumat verib. Onun sözlərinə görə, layihə tələbələrin peşəkar inkişafına dəstək göstərmək məqsədilə müxtəlif təlim və fəaliyyətləri özündə birləşdirib:
"Təqdim olunan göstəricilərə əsasən, ümumilikdə 577 tələbə layihə çərçivəsində keçirilən təlimlərdə iştirak edib. Həftə boyunca 4 təlim təşkil olunub və prosesə 10 təlimçi cəlb olunub. Tədbir çərçivəsində həmçinin 2 gün davam edən endirimli kitab yarmarkası keçirilib. Layihənin müxtəlif fəaliyyətlərinə 5 tərəfdaş qurum dəstək göstərib. “Karyera həftəsi – 2025” layihəsi medianın da diqqətini cəlb edib — 16 xəbər ölkə mediasında yayımlanıb. Layihə haqqında məlumatların sosial şəbəkələrdə 25 min dəfədən çox izlənməsi isə tələbə və gənclər arasında yüksək marağı göstərir. Layihənin təşkilatçıları Odlar Yurdu Universitetinin Strateji inkişaf və karyera departamenti və tələbə təşkilatları olub".
Pərvanə Fərhadqızı
