Musavat.com xəbər verir ki, yeni elmi araşdırma pişik saxlayan insanlarda şizofreniya riskinin təqribən iki dəfə artdığını iddia edir. Alimlərin əsas şübhəlisi isə Toxoplasma gondii adlı parazitdir. Bu parazit insana əsasən pişiklər vasitəsilə keçərək illərlə orqanizmdə gizli qala bilir.
Mütəxəssislər bildirirlər ki, pişik sahiblərinin təxminən 70 faizədək hissəsi bu parazitin daşıyıcısı ola bilər, özü də bundan xəbərsiz. Toxoplasma gondii-nin təsiri yalnız immun sistemilə məhdudlaşmır — o, insan beyninə də nüfuz edərək emosiyaları, düşüncələri və davranışı dəyişdirmə qabiliyyətinə malikdir.
Psixoloji baxımdan həssas insanlarda bu təsirlər ciddi pozuntulara zəmin yarada, o cümlədən şizofreniya riskini artıran amillərdən birinə çevrilə bilər. Tədqiqatçılar bu əlaqəni toksoplazmoz xəstəliyinin psixoloji nəticələri ilə izah edirlər.
Qeyd edək ki, qədim Misirdə bu xəstəlik “Bastet — səni itaətkar qul edən ilahi pişik tanrıçası” kimi mifləşdirilirdi. Bu da insan və pişik münasibətlərinin tarix boyu nə qədər sirli və dərin olduğuna işarə edir.
Musavat.com
