İtaliya A Seriyasının 12-ci turunda “Yuventus”un “Fiorentina” ilə 1:1 hesablı heç-heçəsindən sonra komandanın baş məşqçisi Lusiano Spaletti matçı dəyərləndirib.
90deqiqe.Az xəbər verir ki, təcrübəli çalışdırıcı bu barədə jurnalistlərə açıqlama verib.
“Fasiləyədək komanda yersiz səhvlərə yol verdi. Bu cür xətalar bizə baha başa gələ bilər. Səviyyəmizi artırmalı və hücumda daha keyfiyyətli oynamalıyıq. “Yuventus”un mövsüm üzrə əsas məqsədi Skudetto uğrunda mübarizədir”
12 turdan sonra Turin təmsilçisi 20 xal toplayaraq turnir cədvəlinin 6-cı pilləsində qərarlaşıb. Komanda lider “Napoli”dən 5 xal geri qalır.
