BAKI, 23 noyabr. TELEQRAF
“Liverpul” son 60 ildə İngiltərə çempionatında antirekord müəyyənləşdirib.
Teleqraf “Opta Sport”a istinadən xəbər verir ki, mersisaydlılar buna Premyer Liqanın XIII turunda “Nottingem Forest”ə 0:3 hesabı ilə məğlub olduqdan sonra nail olublar.
Beləliklə, “Liverpul” 1965-ci ildən bəri ilk dəfə İngiltərə çempionatında ardıcıl iki dəfə darmadağın (üç və ya daha çox top fərqi ilə məğlubiyyət) yaşayıb. Həmin vaxt komandanı Bill Şenqli çalışdırırdı.
Xatırladaq ki, Premyer Liqanın XI turunda Arne Slotun komandası səfərdə “Mançester Siti”yə eyni hesabla uduzmuşdu.
Qeyd edək ki, “Liverpul” UEFA Çempionlar Liqasının VIII turunda “Qarabağ”ı qəbul edəcək.
