Müasir dövrün ən titullu şahmatçısı Maqnus Karlsen oğlunun doğulmasından sonra həyatının demək olar ki, dəyişmədiyini bildirib.
Publika.az xəbər verir ki, norveçli qrossmeyster bunu həyat yoldaşı Ella Viktoriyanın uşaq tərbiyəsində böyük rol oynaması ilə izah edib.
“Mənim hisslərim? Düşünürəm ki, bu, əladır. Əlbəttə, əhval həmişə dəyişir, amma bu, böyük sevincdir. O çox yaxşı oğlandır və mənimlə birlikdə ona çox yaxşı baxan çox yaxşı həyat yoldaşım var. Hər şey əladır”, – deyə dünya reytinqinin lideri bildirib.
Maqnus Karlsenin oğlu sentyabrda dünyaya gəlib. Maqnus ailəsi ilə vaxt keçirməyin onun üçün vacib olduğunu deyib, lakin yaxın vaxtlarda turnirlərdə iştirak etmək üçün daha çox səyahət etməyə hazır olacağını əlavə edib.
