BAKI, 22 noyabr. TELEQRAF
Ulduz futbolçu Kriştianu Ronaldunun Ağ Evə səfəri və Prezident Donald Trampla görüşü internetdə çoxsaylı mübahisələrə səbəb olub.
Teleqraf xəbər verir ki, portuqaliyalı hücumçu ABŞ-ə səfər edən Səudiyyə Ərəbistanı nümayəndə heyətinin tərkibində dəvət olunub.
Azarkeşlər bu görüşü "siyasi jest" kimi qiymətləndirərək Ronaldunu tənqid ediblər. Buna cavab olaraq onun bacısı Katya Aveyro İnstaqram hesabında qardaşını müdafiə edib:
“Siz hamınız ikiüzlüsünüz. Kriştianu heç bir partiyanı və ya ideologiyanı dəstəkləməyib. Niyə kimsə düşünür ki, belə təcrübəyə malik 40 yaşlı kişini bir neçə “təlxəyin” fikri narahat edəcək?"
Qeyd edək ki, Donald Tramp Kriştianu Ronaldu ilə foto çəkdirərkən oğlunun onun azarkeşi olduğunu etiraf edib.
