ain.az bildirir, Azpolitika.az saytına əsaslanaraq.
Ukraynanın Xüsusiləşdirilmiş Korrupsiyaya qarşı Prokurorluğunun (SAP) rəis müavini Andrey Sinyuk vəzifəsindən öz ərizəsi ilə ayrılıb. Bu barədə UNIAN-a qurumun mətbuat katibi Olqa Postolyuk məlumat verib.
Postolyuk qeyd edib ki, noyabrın 14-də Sinyuk şəxsi ərizəsi əsasında vəzifədən azad olunub. Qanunvericiliyə əsasən, SAP rəhbəri müavinləri yalnız Ukraynanın Baş Prokuroru tərəfindən vəzifədən azad edilə bilər.
Hal-hazırda SAP və NABU daxilində enerji sektorunda korrupsiya sxemi ilə bağlı - media tərəfindən "Mindiçgeyt" adlandırılan iş üzrə məxfi məlumatların sızması ehtimalı ilə bağlı cinayət işi və xidməti araşdırma davam edir. Jurnalist Mixail Tkaçın araşdırmalarında Sinyukun, işdə adı hallanan iş adamı Timur Mindiçlə əlaqəli şəxslərlə dəfələrlə görüşdüyü bildirilir.
Sinyuk öz istefasına münasibətində bildirib ki, istintaqa təsir göstərdiyinə dair şübhələrin yaranmaması üçün vəzifəsindən öz istəyilə getməyə qərar verib: "Xidmət araşdırmasının gedişinə və nəticələrinə təsir göstərdiyimə dair hər hansı şübhə yaranmamalıdır."
NABU, Mindiçi cinayətkar təşkilat yaratmaqda, çirkli pulların yuyulmasında və dövlət məmurlarına qanunsuz təsir göstərməkdə ittiham edir. İstintaq, 2025-ci ildə Mindiçin, energetika naziri Herman Qaluşenko və keçmiş müdafiə naziri Rustem Umerov üzərində təsir imkanlarından istifadə etdiyini iddia edir. Mindiç 10 noyabrda NABU-nun axtarışlarına bir neçə saat qalmış ölkəni tərk edib.
“AzPolitika.info”
Daha ətraflı məlumat və yeniliklər üçün ain.az saytını izləyin.
