Albaniyada Korrupsiya və Mütəşəkkil Cinayətkarlıqla Mübarizə üzrə Xüsusi Məhkəmə Baş nazirin müavini və infrastruktur və energetika naziri Belinda Balluku ilə bağlı sərt qərar qəbul edib.
Publika.az yerli mediaya istinadən xəbər verir ki, məhkəmə Ballukunu vəzifələrindən kənarlaşdırıb və onun ölkədən çıxışına qadağa qoyub.
Qərar dövlət satınalmalarında “bərabər münasibət qanununun pozulması” ilə bağlı aparılan genişmiqyaslı istintaq çərçivəsində verilib.
Hazırda Ballukunun nazir kimi sözügedən proseslə əlaqədar qəbul etdiyi qərarlar və imzaladığı sənədlər detallı şəkildə araşdırılır.
