ain.az, Demokrat.az portalına istinadən məlumatı açıqlayır.
“Uşaqlar arasında öskürək və tənəffüs yolu xəstəliklərinin yayılması tətil zamanı da mümkündür. Məktəblər və bağçalar bağlı olsa da, uşaqlar evdə, qohumlarda və dostlar arasında bir-birilə ünsiyyətdə olurlar”. Bunu neonatoloq, pediatr Arzu Şıxhəmzəyeva Demokrat.az-a açıqlamasında deyib. O qeyd edib ki, bu ünsiyyət virusların yayılması üçün kifayət edir:“Ən çox rastlanan səbəb respirator virus infeksiyalarıdır. Xüsusilə payız və qış aylarında hava dəyişkənliyi uşaqların immunitetini zəiflədə bilər. Bu zaman öskürək, burun axıntısı, bəzən qızdırma kimi simptomlar yaranır. Soyuq hava və rütubət də tənəffüs yollarını qıcıqlandırır. Bu da uşaqlarda öskürək və boğazda narahatlıq yarada bilər. Valideynlər uşağın vəziyyətinə diqqət etməlidir. Əgər öskürək uzun müddət davam edirsə, yüksək qızdırma, nəfəs darlığı və ya hırıltı varsa, mütləq pediatra müraciət olunmalıdır. Sadə tədbirlər simptomları azaltmağa kömək edir. Uşağı isti saxlamaq, bol maye vermək, əlləri tez-tez yumaq, otağı havalandırmaq və təmizlik qaydalarına riayət etmək vacibdir. Bu qaydalar həm xəstəliyin yayılmasının qarşısını alır, həm də uşağın daha tez sağalmasına kömək edir”.Leyla Turan
Demokrat.az
Daha ətraflı məlumat və yeniliklər üçün ain.az saytını izləyin.
