Bizimyol portalından əldə olunan məlumata əsasən, ain.az xəbər verir.
Prokurorluq 22 yaşlı Beer-Şeva sakininə İrana casusluq etməkdə ittiham irəli sürüb. Hadisə 20 noyabrda baş verib.
Bizimyol.info xəbər verir ki, ittihama görə, təqsirləndirilən şəxs, İsrail Müdafiə Qüvvələrində (İMQ) xidmət etdiyi müddətdə İrana casusluq edib.
Rafael Reuveni İrana aid olan kəşfiyyat agenti ilə əlaqə saxlayıb və ona bir sıra tapşırıqlar verilib. Bu tapşırıqlara özünün yaşadığı evin yaxınlığındakı parkda video çəkilişləri aparmaq, avtobus dayanacağı və ticarət mərkəzinin fotoşəkillərini çəkmək daxildir. Bundan əlavə, o, öz hərbi biletinin fotosunu çəkib və bu məlumatı İrana göndərib, həmçinin öz hərbi bazası haqqında məlumat verib.
İttiham aktına əsasən, təqsirləndirilən şəxslə əlaqə saxlayan şəxs ona siqaret paketi alıb parkda 20 şekel və "İordaniyaya gedin" yazılmış qeyd qoymasını tapşırıb. Həmçinin, ona Rişon-le-Tsion şəhərinə gedərək gizlədilən silahın həqiqi olub-olmamasını yoxlamaq tapşırığı verilib. Qeyd edək ki, Reuveni silahı başqa birinə verməkdən imtina edib, lakin onu başqa bir yerə daşımaga razılaşıb və bu xidmətə görə 2000 şekel alıb.
Ümumilikdə, o, rəhbərindən 2700 ABŞ dolları alıb və bu məbləğ onun rəqəmsal cüzdanına köçürülüb. Reuveni ötən ay həbs edilib və prokurorlar onun həbs müddətinin məhkəmə prosesinin sonuna qədər uzadılması üçün müraciət ediblər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
