Rəşad Eyyubov, qələbəni siz qazanmadız, Murad Məmmədov qazandı

U-21 seçmə oyunda səfərdə Cəbəllütariqə qalib gəldi - 1:0. Oyunda yeganə qolu 54-cü dəqiqədə Murad Məmmədov vurdu.

40 min əhalisi, 6,8 kvadrat kilometr ərazisi olan ölkənin 21 yaşadək futbolçularına bir qolla, barmaqla sayılacaq qədər təhlükəli vəziyyət yaradaraq, son 10-15 dəqiqəni müdafiədə oturaraq qalib gəlirik. Fiasko. Bütün millilərin qapazaltı etdiyi rəqibi zülüm-zillətlə məğlub edirik.

Belə nəticədən, oyundan sonra Rəşad Eyyubov qazandığı 3 xalı necə əlində bayraq edir? Deyir ki, “10 nəfərlə müdafiə olunan bloku yara bildiyimiz üçün sevinirik”. Cənab Eyyubov, siz yarmamısız. Murad fərdi keyfiyyətləri sayəsində rəqibləri keçib və uzaqdan “9-luğ”u dəqiq “nişan alıb”. Burda Rəşad Eyyubov işi yox, Murad Məmmədov keyfiyyəti ön plandadı.

Bundan sonra nə olacaq, necə olacaq… Demək Çətindi. 21-lər, 19-lar, 17-lər belə olandan sonra əsas millidən nə gözləyək? Bunlar da böyüyəndən sonra əsas millinin şərəfini qoruyacaq.

MÜZƏFFƏR QULUZADƏ

• Futbol
• U-21
• Murad Məmmədov
• Cəbəllütariq
• Rəşad Eyyubov