ain.az xəbər verir, Bizimyol saytına əsaslanaraq.
2024-cü ilin noyabr ayında İran rejimi ilə əlaqəli bir qrup alim nüvə silahları tədqiqatları üçün gizli şəkildə Rusiyaya səfər edib.
Bizimyol.info xəbər verir ki, bu barədə "Financial Times" qəzeti məlumat verib.
Nəşrin məlumatına görə, səfər 7-11 noyabr tarixlərində baş tutub və İran Müdafiə İnnovasiyası və Tədqiqat Təşkilatı (SPND) tərəfindən təşkil edilib. Qərb rəsmiləri hesab edirlər ki, bu təşkilat nüvə silahlarının hazırlanmasında iştirak edir.
İran nümayəndə heyəti Rusiya hərbi mütəxəssisləri və "Laser Systems" şirkətinin nümayəndələri ilə görüşüb. Sanksiyalar altında olan bu şirkət mülki və hərbi tətbiqlər üçün lazer texnologiyaları hazırlayır. "The Financial Times" qəzetinin məlumatına görə, bu, 2024-cü ildə ikinci belə səfərdir.
2025-ci ilin fevral ayında "Laser Systems" şirkətinin keçmiş texniki direktoru, BSTU professoru Andrey Savin Tehrana səfər edib. O, SPND nümayəndələri və İran müdafiə strukturları ilə əlaqəli digər bir ön şirkət olan "DamavandTec" şirkətinin əməkdaşları ilə görüşüb.
ABŞ oktyabr ayında "DamavandTec" və onun direktoru Əli Kalvanda qarşı sanksiyalar tətbiq edərək onları "nüvə partlayıcı qurğularının hazırlanması üçün uyğun" komponentlər əldə etməyə çalışmaqda ittiham edib.
Karnegi Fondunun eksperti Nikol Qreyevski "Financial Times"a bildirib ki, bu cür görüşlər "Rusiyanın İrana nüvə silahları tədqiqatlarında kömək etdiyinə dair güclü sübutdur". O, bu fəaliyyətin "Rusiya və İran tərəflərinin ən yüksək səviyyələrində" təsdiqləndiyini bildirib.
"FT" əvvəllər Əli Kalvand və onun dörd əməkdaşının 2024-cü ilin avqust ayında Moskvaya səfər etdiyini bildirmişdi. Onlar diplomatik pasportlarla daxil olub və ikili məqsədli texnologiyalar istehsal edən bir müəssisəni ziyarət ediblər.
İştirakçılar arasında nüvə partlayışlarını akivləşdirmək üçün istifadə edilən neytron generatorları üzrə mütəxəssis alim Sorouş Mohtaşami də olub.
Rus alimi Oleq Maslennikova yazdığı məktubda Kalvand səfərin məqsədini "elektron cihazların hazırlanmasının texniki və istehsal aspektlərini müzakirə etmək, əlaqələndirmək və elmi əməkdaşlığın genişləndirilməsi üçün ümumi potensial yolları araşdırmaq" kimi izah edib.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
