ain.az, Metbuat portalına istinadən məlumat yayır.
“Hal-hazırda bilirsiniz ki, büdcə müzakirələri İcbari Tibbi Sığorta Agentliyi ilə davam edir. Orada qərar əsasında artıq gələn il üçün işlər, öhdəliklər, məcburiyyətlər təyin olunacaq”.
Metbuat.azın məlumatına görə, bu sözləri Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov brifinqdə deyib.
Vüqar Qurbanov TƏBİB və İcbari Tibbi Sığorta Agentliyi arasındakı funksional bölgünü xatırladıb:
“Təbii olaraq, mən onu bildirmək istəyirəm ki, TƏBİB tibbi xidməti verən bir qurumdur. İcbari Tibbi Sığorta Agentliyi də göstərilən tibbi xidmətin qarşılığını, yəni dəyərini verir. Və bu günə qədər də bu proses belə davam eləyir: tibbi xidməti TƏBİB, İcbari Tibbi Sığorta Agentliyi tərəfindən ödənilir. Və TƏBİB də o büdcə daxilində o xidmətlərin qarşılığını, mövcud olan xidmətləri verir”.
İcraçı direktor həmçinin xidmətlər zərfi və vətəndaşların sığorta statusu ilə bağlı müzakirələrə toxunub:
“Buna görə də, bizim büdcənin azalması ilə bağlı ola bilər ki, İcbari Tibbi Sığorta Agentliyi tərəfindən müzakirələr hələ davam edəcək. İcbari Tibbi Sığorta Agentliyi tərəfindən gələn il üçün ola bilər ki, xidmətlər zərfində hansısa xidmətlər təminatdan çıxarıla, və yaxud da hər hansısa dəyişikliklər olsun, onunla bağlı müzakirələr ola bilər. Amma burda bu açıqlandı ki, ölkəmizdə sığortalı və sığortalı olmayan kütlə yaradılıb. Sığortalı olmayan kütlə sığorta haqqını ödədikdən sonra sığortalı hesab olunacaqdır. Və buna görə də, vətəndaşların bu bölgüsü ilə bağlı İcbari Tibbi Sığorta Agentliyində bu şəxslərə hansı səviyyədə xidmət göstəriləcəyi və xidmətin çərçivəsi sığortalı olmayan kateqoriyalar üçün harda bitəcəyi barədə də müzakirələr aparılır. Nəticələr barədə məlumatlar bölüşüləcək”.
Sevinc İbrahimzadə / Metbuat.az
Ən son xəbərləri və yenilikləri almaq üçün ain.az saytını izləyin.
